A ricchezz

A ricchezz

Addo ' so jute e francise , addo' so jute e spagnuole , e primm ancor e normanne ,
ce so venute arrecchi' cu chilli belli mode e surdate , e po se so sguagliate ?
Chi e muorte e ce la lasciate scritte , se le scurdate chell ca cia fatt ?
viente e mare n'fuse , accumpagnece addo' sta l'asciutte ca trase.
Chiste so e n'zertate ,gente ca vo sule cumanna' che parole bell ,
fridde e core e senza debolezz , imperterrime catastrofi ra cerevell .
Sazie e sta co ciate n'cuolle a chi campe risperate e stanch ra vita ,
vierme e na terra ca nun avute niente a nisciune , sule malatie e paure .
Se so' vennute pure mane a Peppine , so sempe e stess magnamaterie , sempe loro ,
avuote e gire e stessi faccie e cachhie e stessi maniche cinis e m'brell ,
tutte felice pecche' hanne capite comma addeventa l'acque vine .
'' ma vuie , dico , ma vuie o sapite , a munnezza quande fa fridde nun puzze ''
'' perfine e saittell so pulite quande o riscariche funzione ''
'' e pensiere nuoste so sacchette ca se prestene e se perdene,,
'' na parole vale quanne e chell ca tiene , sempe si a tiene ''
''Facimme ammuine , facimme ammuine , facimme ammuine ''
ai voglie r'allucca' , chiste nun te sentene nemmene che cannunate ,
simme tutte botte e poch prezze , fitti fitti , minerve e stelletelle ,
chi conte so sempe e stesse , e' una famiglia ,'' nu testament etern '' .
Quanne n'avimme cunusciute e sti signure , nobili di vestiti e sorrisi ,
pare ca ce fanne nu piacere si ce salutene . Faccie senza culore, favese e traditore .
Acconciene e sfravvecane , acconciane e sfravvecane , eppure nun sanne fatica' .
Vulevene cagna' o munne . Ma comme so brave a chiacchiere sotte e bar .
Quandi Che Chevare jettate n'coppe e seggie , m'briache e fumate e cann .
Comme so schierate st'element , parene surdate e l'universe pa pace n'terr ,
vonn vonn , po quande se tratte e ra' stann malate e case lore guardann a plastica .
Addo' so jute e francise , addo' so jute e spagnuole e primm ancore e normanne ?
Quanta cose ca ciate rimmaste . Meticce e cane americane , collere e freva nera ,
martirie e nu popolo ca nun vere , martirie e chi nun sente e chiagne n'cuoll all'ate .
Chiste simme mieze a via , perzone fantasme , stritt vicule senza sole , catarre sicche .
Obbilloche st'arrivanne , sta scennenn a copp e spalle , se ne va '! assa ' fa' a Maronn !
ma chi , cos ? ne so assaie , stanne pe tutte parte ro munne . E sempe a stessa Maronn ?
Aiutateme je so nu poche gnurantiell , nun so jute a scole e nemmene a fatica ' .
A fatica' pero' e nu privilegio pe pochi , mentre a scole ta fann pava' salat ,
nemmene e sorde pe criature iescene chiu' !primme chilli sorde nun se putevene rifiuta'.
Quann tiene nu poste e fatica , a ricere sempe , Si padron !
Nun te puo' lamenta' , si te lamiente viene fatt subite fore .
Allor , suoffre arinte e nun o fa capi' a nisciune , tante nisciune t'aiute !
Parle , parle , parle , ma nun saccie chell ca rick , so sule dinta a na foglie e cevesa .
Verite ! je vache a uoseme pe nun sbaglia' , no pecche' nun ce veck ,
o faccie pe sta a senti' na parte e me ca s'annasconn , si s'annasconne ma je a trove .
Creriteme , me taglie st'aneme tutte e vote e me struppe' tutt e vote ca succere !
'O sanghe nun jesce , jesce sule amarezz e tutte chell c'aggie vist e faccie trasi' o doce ra vit .
Addo' so jute e francise ! addo' so jute e spagnuole ! e primm ancor e normanne ?
Stat' ammiranne e probleme nuoste quanne guardate o vesuvio ?
l'arte e chi v'arrobbe pecche' nun sape nemmene pecche' o fa' ?
Si v'arrobbe e pe ve fa penza ca vita po', nun e comme va vonne fa vere' .
Ah allor chi v'arrobbe , lata ringrazia' ? forz e une ca ce tene e sentimente vuoste ?
Va sceppate na lacrima , n'emozione ! sa pigliate o pise ca ve purtate appriess !
Mentre isse puveriell sta penzann a chi adda' ruba' senza maie speranz pe pute' cagna' .
Astrignimmece attuorne , tutte quante ! chist e o mument e chiamma' e quatt element !
Crerimmece ca coccose cagna , priamme pure apoll dinte o tempie ,
priamm ca stu cerchie nun se scioglie , primm ca vene a notte , primm ca scumpar 'o sole !
'O sole , l'unick amick ca te ra' calore e nun te cerck niente .
Site maie state n'gopp a nu Comune ? S'appiccie na case , nu stipendie , t'abboffene sule chiacchier e nun te rann nient .
scusat je nun saccie chell ca dico , pero' me vulesse m'para' a parla' .
Stonghe dinta a nu vortice cunsumate , e me mantengh all'ert pe nun care' ,
si m'affonne senza maie affuga' e pecche' me fa piacere ancor .
'O piacere se fa semp co piacere e no pe fa' piacere chest vulesse fa capì a chi nun sent .
Vuie l'avite maie viste na sirena ? je l'aggie viste e murì pe colpe ra munnezz ,
puvurell teneve ancore e zizz bell , a vocche chine e pisce fetient , dint a na rezz sporca .
Mo' e venute o mumente e pria' nata vote . Chesta vota priamme buone , pe stu munne e pe sta
sta città ca sta aspettann ancor .
Pasquale Gragnaniello